في علم الجودة و الادارة فيه وثيقه مهمه جدا اسمها :policies او سياسات العمل
الوثيقه دي بتتعمل بعد ما بتحدد للمؤسسة بتاعتك خطة استراتيجية واهداف و طبقا ليهم بتحدد مجال خدمه (اللي بيقول للناس انت بتقدم ايه) ومجال خدمه لكل قسم
طبقا لمجال الخدمه ده كل قسم بيحدد ايه المهام اللي بيعملها وبيعمل لكل مهمه policy
-----------'
ولو افترضنا اننا بنتكلم عن بيتك (المؤسسه بتاعتك اللي فيها اقسام للميزانيه وتربية العيال والمطبخ والغسيل ....الخ)
يبقى كل قسم فيهم بيحدد ايه مهامه بالظبط لتحقيق الهدف من وجود البيت ده وبالتالي بيكتب ازاي هايعملها
مثلا المطبخ (بالنسبه لي اهم قسم :D ) المسئول عنه (اللي هو المدام مش حضرتك خالص ) مفترض تحدد مهام المطبخ ولكل مهمه هاتكتب policy بتقول ازاي المهمه دي بتتنفذ و مين المسئولين عنها (شراء المستلزمات، تخزين المستلزمات، الطبخ باستخدام البوتجاز ، الطبخ باستخدام الفرن الكهربائي ، غسيل الاطباق،....)
في العادي الوثيقة دي بتحتوي على 7 عناوين
AIM
الغرض من الوثيقه : ليه السياسه دي موجوده وايه اللي حضرتك عايزاه منها (لو بنتكلم على الطبخ باستخدام البوتجاز مثلا هاتبقى : عمل اكل ساخن ونظيف باستخدام معايير محدده لضمان اشباع كروش الأسرة
Definitions
التعريفات : وهنا حضرتك بتذكري اي تعريفات لمصطلحات ممكن تكون مش مفهومه واي اختصارات مستخدمه ومش مسموح بكتابة اي اختصارات قبل العنوان ده
مثلا: البوتجاز: اداه جهنميه لتحضير الطعام يتكون من اربع عيون وفرن ويعمل بالغاز/ الكهربا
وهكذا
Policy
السياسه : وهنا بنقول ايه القوانين اللي هانمشي عليها في الوثيقه دي
(ده عنوان جوه الوثيقه ومختلف عن اسم الوثيقه كلها) مثلا : تلتزم سيدة البيت بتحضير اكل ساخن يوميا وكلما يتطلب الامر لارضاء العملاء (ده عنوان جوه سياسة الطبخ باستخدام البوتجاز، اللي هي الوثيقه اللي بتحكم ازاي الاكل بيتعمل ازاي وامتى وفين)
Procedure
الاجراءات : وفي الخطوة دي بنكتب بالتفصيل ايه خطوات تنفيذ السياسه بالتفصيل مين هايعمل ايه امتى وازاي لازم تكون جمل صغيره ومفهومه وفي كل جمله فعل وفاعل ومفعول به ممنوع هنا استخدام مصطلحات زي يجب او يتم عشان المسئوله ماتوهش ونرجع البيت منلاقيش اكل :D
Responsibilities
المسئوليات : مين مسئول عن ايه (المدام طبعا هي المسئوله ، حضرتك كزوج مخلص مسئول عن انك تاكل وتقيم جودة الاكل ودي سياسة تانيه)
Forms النماذج
لو فيه نماذج هاتستخدمها سيدة البيت زي نموذج شراء المستلزمات او قائمة تحقق يوميه للتاكد من ان الانبوبه مليانه)
Referrances المراجع
بتكتب هنا المراجع اللي اشتغلت ع اساسها مثلا كتاب ابله نظيره او نصايح والدتها او والدتك او برنامج تلفزيوني (ميعاد اذاعته والقناه اللي اتعرض عليها مهم عشان لو جالك تسمم تعرف مين ابن ال ... اللي عمل كده)
----------------
طب ايه فايدة الهري ده كله ؟ مجموعة فوايد
اولها ال standardization يعني لما تبقى الوثائق دي موجوده بنضمن تقديم الخدمات بنفس الجوده في حالة غياب المسئول او وجود شخص اقل خبره لظروف طارئه (المدام عند مامتها او حضرتك مسافر ولوحدك)
ثانيها امكانية التقييم والمراقبه وتحسين الاداء (دي الحلقه الجايه)
وفوايد تانيه كتيييير لو كتبتها هنا مش هانخلص بس دول اهمهم
----------------
ملاحظة مهمه اخيره اللي بيكتب الوثائق دي هو ال process owner اكتر شخص مسئول عن الاجراء وبيعمله كل يوم مش الجودجي الله يكرمكم ، الجودجي مهمته يراجع التقنيه المستخدمه في كتابة الوثيقه وحتى مبيراجعش المحتوى عشان دي مش شغلته ولو اتدخل فيها هايخربها واسألوا اي ست جوزها حاول يتدخل في شعلها في المطبخ ع الكوارث اللي بتحصل :)
---------------
#الجودة_اسلوب_حياه
الوثيقه دي بتتعمل بعد ما بتحدد للمؤسسة بتاعتك خطة استراتيجية واهداف و طبقا ليهم بتحدد مجال خدمه (اللي بيقول للناس انت بتقدم ايه) ومجال خدمه لكل قسم
طبقا لمجال الخدمه ده كل قسم بيحدد ايه المهام اللي بيعملها وبيعمل لكل مهمه policy
-----------'
ولو افترضنا اننا بنتكلم عن بيتك (المؤسسه بتاعتك اللي فيها اقسام للميزانيه وتربية العيال والمطبخ والغسيل ....الخ)
يبقى كل قسم فيهم بيحدد ايه مهامه بالظبط لتحقيق الهدف من وجود البيت ده وبالتالي بيكتب ازاي هايعملها
مثلا المطبخ (بالنسبه لي اهم قسم :D ) المسئول عنه (اللي هو المدام مش حضرتك خالص ) مفترض تحدد مهام المطبخ ولكل مهمه هاتكتب policy بتقول ازاي المهمه دي بتتنفذ و مين المسئولين عنها (شراء المستلزمات، تخزين المستلزمات، الطبخ باستخدام البوتجاز ، الطبخ باستخدام الفرن الكهربائي ، غسيل الاطباق،....)
في العادي الوثيقة دي بتحتوي على 7 عناوين
AIM
الغرض من الوثيقه : ليه السياسه دي موجوده وايه اللي حضرتك عايزاه منها (لو بنتكلم على الطبخ باستخدام البوتجاز مثلا هاتبقى : عمل اكل ساخن ونظيف باستخدام معايير محدده لضمان اشباع كروش الأسرة
Definitions
التعريفات : وهنا حضرتك بتذكري اي تعريفات لمصطلحات ممكن تكون مش مفهومه واي اختصارات مستخدمه ومش مسموح بكتابة اي اختصارات قبل العنوان ده
مثلا: البوتجاز: اداه جهنميه لتحضير الطعام يتكون من اربع عيون وفرن ويعمل بالغاز/ الكهربا
وهكذا
Policy
السياسه : وهنا بنقول ايه القوانين اللي هانمشي عليها في الوثيقه دي
(ده عنوان جوه الوثيقه ومختلف عن اسم الوثيقه كلها) مثلا : تلتزم سيدة البيت بتحضير اكل ساخن يوميا وكلما يتطلب الامر لارضاء العملاء (ده عنوان جوه سياسة الطبخ باستخدام البوتجاز، اللي هي الوثيقه اللي بتحكم ازاي الاكل بيتعمل ازاي وامتى وفين)
Procedure
الاجراءات : وفي الخطوة دي بنكتب بالتفصيل ايه خطوات تنفيذ السياسه بالتفصيل مين هايعمل ايه امتى وازاي لازم تكون جمل صغيره ومفهومه وفي كل جمله فعل وفاعل ومفعول به ممنوع هنا استخدام مصطلحات زي يجب او يتم عشان المسئوله ماتوهش ونرجع البيت منلاقيش اكل :D
Responsibilities
المسئوليات : مين مسئول عن ايه (المدام طبعا هي المسئوله ، حضرتك كزوج مخلص مسئول عن انك تاكل وتقيم جودة الاكل ودي سياسة تانيه)
Forms النماذج
لو فيه نماذج هاتستخدمها سيدة البيت زي نموذج شراء المستلزمات او قائمة تحقق يوميه للتاكد من ان الانبوبه مليانه)
Referrances المراجع
بتكتب هنا المراجع اللي اشتغلت ع اساسها مثلا كتاب ابله نظيره او نصايح والدتها او والدتك او برنامج تلفزيوني (ميعاد اذاعته والقناه اللي اتعرض عليها مهم عشان لو جالك تسمم تعرف مين ابن ال ... اللي عمل كده)
----------------
طب ايه فايدة الهري ده كله ؟ مجموعة فوايد
اولها ال standardization يعني لما تبقى الوثائق دي موجوده بنضمن تقديم الخدمات بنفس الجوده في حالة غياب المسئول او وجود شخص اقل خبره لظروف طارئه (المدام عند مامتها او حضرتك مسافر ولوحدك)
ثانيها امكانية التقييم والمراقبه وتحسين الاداء (دي الحلقه الجايه)
وفوايد تانيه كتيييير لو كتبتها هنا مش هانخلص بس دول اهمهم
----------------
ملاحظة مهمه اخيره اللي بيكتب الوثائق دي هو ال process owner اكتر شخص مسئول عن الاجراء وبيعمله كل يوم مش الجودجي الله يكرمكم ، الجودجي مهمته يراجع التقنيه المستخدمه في كتابة الوثيقه وحتى مبيراجعش المحتوى عشان دي مش شغلته ولو اتدخل فيها هايخربها واسألوا اي ست جوزها حاول يتدخل في شعلها في المطبخ ع الكوارث اللي بتحصل :)
---------------
#الجودة_اسلوب_حياه
ليست هناك تعليقات:
إرسال تعليق